by

Ka Lom Sagop Asap Peuseupot Bumoe Aceh, Hana le, Anco Bumoe Nyoe

Idi Rayeuk – Bunoe beungoh, Ahad (22/9/2019) dan padum uroe nyoe bumoe Aceh cukop brat meusagop asap. Aleh pane asap meukupong di bumoe Aceh, soe thoet utuen, han jra-jra gara-gra buet gop kamoe bandum rakyat lam nanggroe Indonesia Raya nyoe meuhirup asapnyan.

Hase freelinenews.com kalon, daerah pante timu Aceh, lagee Aceh Timu, Kota Langsa ngen Aceh Tamiang, beungoh nyoe sagop asap meutamah brat lom. Padum uroe nyang ka ulikot sagop asap ka gadoh bacut seubab na jitoh ujuen.

Meneuteupue le urueng droe neuh bandum, nakeuh sagop asap nyang ka jipeuselimbot nanggroe geutnyoe nyoe, nyan meubahaya ke tuboh geutanyoe. Menye asapnyan dari tutong utuen, nyan cukop bahaya lom.

Karena lam sagop asap nyan na meungandong senyawa-seunyawa kimia meubahaya keu tuboh geutnyoe. Supaya geutanyoe nak aman bacut, lebeh goet geutanyoe ta pakek masker watei tateuboet u luwa rumoh.

Dan Beuneutupue chit, naukeuh asap nyang trok bak geutanyoe nyoe wasangka jih na urueng ngen sengaja jitot utuen di provinsi laen di Pulau Sumatera nyoe.

Nyoe keuh salah saboh bala nyang ta rasa le geutanyoe gara –gara na manusia nyang peureuloh bumoe nyang Tuhan pujuet nyoe. Padahai Allah SWT kalueh geutham geutanyoe manusia bek ta peureuleh alam nyoe.

Lagei lam surah Ar- Rum 41-42. “Deuh reuloh di laot ngen di darat nyan gara-gara buet jaroe manusia, supaya Allah geupeurasa akibat jih ateuh ulah geutanyo, supaya urueng-urueng nyan jiwoe lom bak buet nyang jroeh”.

Padahai geutanyoe nyoe geupeujut sebago khalifah (Peumimpin) di bumoe nyoe, tapi takalon le that manusia nyang hana sadar jih bak jipeureuleh bumoe nyoe. Jitet utuen buka keubon sawit, meuasap teuh ban saboh donya. Memang reuloh that buet-buet nyang legeeinyan.

Dan le buet-buet laen nyang juet keureuloh donya nyoe, lagee boh broh lam krueng, koh kayee lam utuen Tuhan. Mandum meu ilayanya trok bak gajah gabuek, rimueng beungeh, trok aneuk cuco manusia gabuek, karena alam nyoe ka anco buet ulah jaroe menusia nyoe. Kasep hai bek le kareuloh donya nyoe.

Wahe wareh loen bandum, mulai uroe nyoe jak tajaga bumoe nyoe nak jroh, bek na le asap, bekna le banjir, tajaga alam nyoe beugleh bek sampe juet keu peunyaket keu tuboh geutanyoe mandum. (*)

Comment

Leave a Reply

Your email address will not be published. Required fields are marked *

News Feed