by

Hana Payah Ubat Kuat, Ngen Minyeuk Zaitun Ma Sidara Payah Moe Bae

Idi Rayeuk – Beuneupateh loen menye peureule neuk peubahgia ma sidara hana payah jep ubat kuat. Beuneutupue keleuh jiteuliti uleh Universitas of Athen, rupajih minyeuk zaitun cukop bereh aju keu ubat peuteuga urueng agam kemayoh jalo bak kaso, tabandeng ngen ubat viagra atawa ubat-ubat kuat laen lom.

Menye neutem jep sikureng boh canca rayeuk minyek zaitun tiep uroe, hana pue tanyoeng juet sangkot boh u bak atanyan, dan geutanyoe agam payah that keunong penyeket leumoh syahwat atawa impoten. Beuneutupue idroe neuh bandum, bahwa minyeuk zaitunnya  meutajueb that  sebagao ubat pelancar darah lam tuboh.

Uleh urueng-urueng ahli nyang kaleuh geuteuliti, bahwasajih lam minyeuk zaitun nyan meuasoe hormon testosteron nyang cukop meutajueb keu peukreuh simaakop, supaya nak teuga bak dayong  peraho cinta ngen ma sidara bak malam jumat atau malam seulanyan.

Ipeugah le peneuliti Dr Christima Chrysohoou lagee loen kutep bak Independent. Menye urueng agam geujep minyeuk zaitun sabe-sabe nyan urueng agam nyan 40 pereusen jioh penyaket leumoh syahwat (impoten).

Ipeugah le urueng ahli nyan lom, tajep minyeuk zaitun lebeh sehat teuh daripada tajep ubat kuat laen. Menye minyeuk zaitun mutajeub jih itheun trep. Koen lagei tajep ubat kuat laen nyan siat choh sagai teuga teuh, menye hana tajep kakeuh hana daya aju. Mak  siagam pih beungeh keu getanyoe menye leumoh watei takayoh.

Leuh nyan lom menye ubat kuat laen na efek sampeng, misei jih leuh tajep ubat kuat laen saket lam ulee teuh, saket keuing teuh, mata teuh meubreut-bruet watei tangieng lampu sang ijo lampu, dada meubhak-bhak, bahaya bek neukarat ubat kuat laen, neujeb minyeuk zaitun nyan aseli barang.

Ipeugah lom le peneliti nyan, minyeuk dari nagroe arab nyan  cukop get chit untuk peuilee darah beulancar, supaya geutanyoe bek keunong penyaket jantong, penyeket darah mameh, darah tinggi, bek teumbom ngen bueng. (*)

Comment

Leave a Reply

Your email address will not be published. Required fields are marked *

News Feed