by

BNN Aceh : Aneuk Sikula Beujeumot Merunoe Peujioh Narkoba

Banda Aceh – Badan Narkotika Nasional (BNN) Aceh, uroe nyoe, Selasa (17/9/2019) beungoh, gejak peusampao haba bahaya Narkoba bak aneuk sikula SMANKON Bak Komplek Stadion Harapan Bangsa Lhong Raya Banda Aceh.

Penyulohh P2M BNN Aceh Ners Rosdiana SKM,S.Kep, dikeu mandum aneuk sikula nyan geupeuingat bek sagai sagai toe ngen Narkoba, karena narkoba nyan cukop bahaya.

“Adek –adek bandum beujuemet merunoe, jeumot latihan, supaya nak bereh, juet keu atlit nyang hebat, di Nanggroe nyoe, atawa beumeuteume jak u luwa nangroe bak bidung olahraga,” geupeugah le Ners Rosdiana.

Ners Rosdiana geupeuingat aneuk sikula mandum bek sagai-sagai toe ngen narkoba. “Bahaya that bak tuboh geutanyoe ngan reuloh utak teuh, ngen narkoba nyan,” pugah le Nesr Rosdiana.

Bak wateinyan Ulee Sikula SMANKON Supriadi, S.Pd. M.Pd, geuucapkan terimoeng geunaseh keu BNN Aceh nyang ka trok geulangkah bak sikula nyoe, geujak peusampao bak aneuk sikula bhah bahaya Narkoba.

“Pue nyang kaleuh geupeugah uleh ibu Ners Rosdiana beujuet keu ileume aneuk sikula nyoe bandum. Nyang pah buet nyoe bek putoh-putoh beugeutem jak sabe-sabe. Seudit-dit jih saboh semister sigo beutrok geujak saweu sikula kamoe, geujak bi ileume bahaya Narkoba keu aneuk-aneuk kamoe disinoe,” peugah Sufriadi.

Sambong gopnyan, ngen na acara nyoe, aneuk- aneuk sikula SMA meuphom bahaya narkoba dan han jipubuet buet nyang geularang le agama ngen naggroe nyan.

“Aneuk-aneuk sikula payah gleh dari Narkoba, beujeumeot merunoe ngen latihan, nak juet keubuet, dan beujuet keu geunerasi nyang puesenang urueng chiek,” etnan keuh geupeugah le Kepala SMANKON Banda Aceh. (*)

Comment

Leave a Reply

Your email address will not be published. Required fields are marked *

News Feed