by

Bupati Rocky Geupakat Aneuk Muda Komunitas Moto Pekek Medsos Beu Positif

Idi Rayeuk – Bupati Aceh Timu H. Hasballah H. M. Thaib, atawa nyang cukop goet jiteuri Bupati Rocky, bak acara Konsolidasi Korwil Ikatan Motor Indonesia (IMI) Aceh Timu, baroe Sabtu (13/9/2019) seupot bak sampeng geudong Dekranas Aceh Timu, geupeugah bak aneuk muda Komunitas Motor, guyue seumike beujroh ngen positif bak pekek media sosial.

“Berangkasoe nyang seumike nyang jroeh-jroeh, bak media sosial nyan, ka pasti meuteumei hase nyang get chit, dan berangkasoe nyang seumike negatif atawa nyang brok, nyan akan meutemei hase nyang hana goet chiet,” peugah Bupati Rocky bak mandum Ketua Komunitas Motor nyang na di Aceh Timu bak acara nyan.

Bupati geupakat madum aneuk muda nyang meugabong lam komunitas motor beusabe-sabe geupike nyang jroeh-jroeh. “Bek sagai-sagai roh lam buet-buat nyang geularang oleh agama ngen Neugara. Menye aneuk muda ka seumike nyang goet, Insya Allah daerah nyoe ka maju,” geupeugah le Bupati Aceh Timur.

Laen nibaknyan, Bupati geulakee bak Ketua Korwil IMI Aceh Timu, H. Sulaiman (Tole) supaya geupeusapat ubena Komunitas Moto nyang na di Aceh Timu, geubina beugoet supaya IMI Aceh Timu maju bak masa ukue nyoe.

Ulee Korwil IMI Aceh Timu, H. Sulaiman, geupeugah acara konsolidasi IMI Aceh Timu ngen bandum komunitas motor nyang na lam wilayah nyoe akan geupeugot tiep akhe peukan.

“Acara konsolidasi IMI Aceh Timu, akan geutanyoe peugoet sabe-saba bak akhe pakan, nakeuh bak uroe Sabtu atawa uroe Aleuhat,” peugah H. Sulaiman.

Sambong gopnyan, IMI Aceh Timu sabe-sabe geupaban aneuk-aneuk komunitas moto nyang na di daerah nyoe beugeutem sama-sama tamaju Korwil IMI Aceh Timur, supaya ukue nyoe olahraga otomotif di Bumoe Aceh Timu nyoe maju.

“Ukue nyoe geutanyoe peureulee saboh sirkuit, tempat balab moto, supaya aneuk-aneuk muda nyang na bakat bak balab moto juet geulatihan bak teumpat nyan,” etnan keuh geupeugah le Ulee Korwil IMI Aceh Timu. (*)

Comment

Leave a Reply

Your email address will not be published. Required fields are marked *

News Feed