by

Ie Unoe Nyan Bereh That Keu Geutanyoe Agam

Teungoh mangat loen jep kupi bak keude Apa Maun, troh lah Apa Baka gobnyan na geume boh manok gampong saboh lam jaroe geuh. Geyue kocok boh manok nyan bak Apa Maun ngen  guyue tamah ie unoe bacut.

Bhah Apa Baka kochok boh manok ngen ie unoe malam nyan, juetlah keusaboh haba mangat bak keude kupi Apa Maun malamnyan. Loen simak haba Apa Baka, geupeugah le gopnyan ie unoe nyan cukop goet keu ubat kuat ureng agam.

Geupeugah le gopnyan ie unoe nyan selaen juet keu ubat macam penyaket, dan cukop goet chit sebagoe pembeuet shahwat urueng agam (Libido), karena lam ie unoe nyan na zat testosteron nyang pebangket syahwat urueng agam beuteuga.

“Nyan koen haba bangai. Menorot nyang kaleuh diteliti uleh dokter –dokter di dunia, tajep dua boh canca ie unoe ngen ie puteh akan jipeudoh nitric oxide, nakeuh atanyan saboh bahan kimia nyang peubeudoh nafsu sywat geutanyoe agam watei tameusutuboh ngen peurumoh teuh,” nyan ban kheun Apa Baka.

Geupegah lom, khasiat ie unoe nyan ka terbukti meuretoh thoen nyang ka ulikot.”Beutatupue legeutnyoe, bahwasajih ie unoe nyan dari jameun koen ka geupacaya le nek-nek geutanyoe sebagao ubat teuga lam kelumbu. Nyan cukop goet lom keu ubat menye urueng agam na keunong mani ence,” peugah Apa Baka sira geukhem.

Rab rata nangroe di donya nyoe jipeucaya, bahwasajih ie unoe nyan goet that keu ubat kuat urueng agam. “Awak droe keuh na ketupue, 500 thoen segolom mesehi, ie unoe nyan kajuet keu ubat kuat urueng agam. Legei jipeugah le sidroe tabib nyang terkenal di dunia nyoe, Greek Physician Hippocrates, ipeugah le tabib hebat nyan, di jih sabe-sabe jireseb ie unoe sebagoe ubat peuteuga urueng agam ateuh teumpat eh,” nyan cerita Apa Baka sire geukhem.

Sira geujep kupi kochok ngen boh manok, Apa Baka geupeugah lom, menye na urueng inong nyang hana subur, juet chiet jep ie unoe, supaya nak bagah mume. Sebab lam ie unoe nyan na kandungan asam folat nyang cukop goet, supaya dua boh hermon sek bak urueng inong, nakeuh esttrogen ngen progesteron bagah jiek lam tuboh urueng inong nyan hana goet hormon. “Menye dua boh hormon nyan ka goet, urueng inong nyan ka bagah mume,” narit Apa Baka.

Kupi pih karab abeh, Apa Baka pi ka seumeungep, bak ujong cerita Apa Baka geupeuingat bak kamoe bandum, selaen ie unoe beu tatem jep. Geutanyoe bandum guyue jaga tuboh beusehet, eh beusep, bek gadoh meujaga, rukok bek le phiep, pajoh makanan nyang mangat-mangat, peujioh bak makanan nyang le jiboh pengawet. Menye nyan tatep jaga, ka pasti sabe ek kayoh jalo oh malam lam keulumbu. (*)

Comment

Leave a Reply

Your email address will not be published. Required fields are marked *