by

Bupati Rocky Tiep Uroe Asyura Troh Geulangkah Jak Peujamee Aneuk Yatim Bak Mesjid Idi Cut

Idi Cut – Bupati Aceh Timu, H. Hasballah, H. M. Thaib nyang lebeh jituri Rocky, uroe nyoe Selanyan (9/9) beungoh, troh langkah gopnyan nyang ke lapan go bak acara peurayeuk uroe Asyura peujamei aneuk yatim bak mesjid Baitul Muttaqin Idi Cut.

Kalinyoe nakeuh Peujemee aneuk yatim ban sigom Kecamatan Darul Aman- Idi Cut keu 21 thon. Beunutupue di urueng droe neuh bandum, selama gopnyan geuduk sebagoe Bupati Aceh Timu, ka lapan go ngen nyoe trok langkah bak acara peujamee aneuk yatim, bak uroe Asyura nyang mulia nyoe.

Lam pidato gopnyan, Bupati Rocky geusanjong keu mandum panita nyang ka geupugoet acara nyang cukop mulia tiep thon. “Nyoe saboh buet nyang keu geuwareh uleh ulama tuha Almarhum Tgk H. Abdul Wahab (Abu Idi Cut), nyang paton tajaga ngen tepulara beugoet,” peugah Bupati Rocky.

Geupeugah le gopnyan lom, buet peujamee aneuk yatim, nakeuh saboh buet nyang cukop jroh. “Tameulake buet nyoe beuna sabe tiep thon bek putoh-putoh, karena aneuk yatim wajib geutanyoe papah, bekna lam sedeh. Meski aneuk-aneuk mutuwah nyan hane le urueng chik jih,” narit Bupati lam pidato gopnyan.

Bak acara nyang mulia nyan, na chiet troh langkah Pimpinan Dayah Darussa’adah Cabang Idi Cut Tgk. H. Saiful Anwar, Anggota DPR Aceh terpilih Tgk. H. Muhammad Yunus, Anggota DPRK Aceh Timur Tgk. Iskandar, Camat Idi Cut, T. Muyasir, Kapolsek Darul Aman AKP Simson Purba, Danramil Idi Cut Kapten Inf. Razak, Kepala Kanto Meunikah Idi Cut  Tgk. Muslim, Bandum Imum mukim ban sigom Idi Cut, Pemimpin dayah ngen balei beut, keuchik-keuchik, sereta tokoh masyarakat nyang na lam wilayah nyan. (*)

Comment

Leave a Reply

Your email address will not be published. Required fields are marked *

1 comment

News Feed