by

Sejarah Bus PMTOH Yohban Merdeka

Oleh : Ilyas Ismail

Assalamualaikum Saleum loen satoh
Kisah ulon proh ban-ban merdeka
Oh lheuh merdeka haba loen teuoh
Keu bus PMTOH nazam loen rika

Adoe loen sayang umu mantong groh
Beu tatem satoh seujarah bangsa
Tuwo sejarah bangsa teu reuloh
Adat pih gadoh hanco budaya

Bak thon 1957 phon bus PMTOH
Bus nyan dibeudoh di Kuta Raja
Jijak u Medan sinja ngen suboh
Firma PMTOH jiterek sewa

Foto : Ist

Geukheun PMTOH wahee ee rakan
Bahsa singkatan nama geurika
Perusahaan Motor Transport Ondernemer Hasan
Lam kepanjangan na bahsa Belanda

Nyan ondernemer beuna neupaham
Arti bahsanyan nakeuh pengusaha
Nak juet meuangkot supaya legal
Izin watee nyan geuseubot Firma

Moto ulee tong engkol peu udep
beusoe meukuwet bak ulee geuputa
Tiep uroe sabe PMTOH Tarek trep
Jalan meuliwet jiplueng that teuga

Di Kuta Raja sinan phoen preh trep
Kadang ek raket nibak krueng raya
Penumpang jime jalan meuliwet
Klekson tak tit lagee su biula

Foto : Ist

U Medan jijak rab siploh uroe
Abeh ban gantoe bak jalan raya
Penumpang jicok  rata juet sagoe
Urueng jak-jak woe saweu syedara

Beuna neutupue wahee adoe loen
Nazam loen suson sejarah bangsa
Nangroe Aceh nyoe maju watei phon
Moto ulee tong sinoe phon kana

Nyan Bus PMTOH jinoe meugantoe
Lagak han bagoe jiplueng that teuga
Ka jiboh AC leupie han bagoe
Dak tarek uroe sijuek lagoe na

Jibuka trayeuk ban saboh nangroe
Jijak trok sampeo u pulau jawa
Jitarek sewa sabe tiep uroe
Panyang that moto 10 boh ruda

Etnoe keuh dilee uloen hareuto
Sejarah nanggroe beu neutem baca
Adak meu aloen ngen lagu rampoe
Neu baca sigo nak meuho punca.

Comment

Leave a Reply

Your email address will not be published. Required fields are marked *