by

Bupati Rocky : Anggota DPR Beugeutem Chiet Pemaju Gampong

Idi Rayeuk – Bupati Aceh Timu H. Hasballah, H. M. Thaib, SH atawa yang cukop goet jituri Bupati Rocky, geupeugah anggota DPR beugeutem pemaju gampong bak daerah droe pilihan maseng-maseng. Supaya rakyat di lam gampong bak daerah pilihan nak makmue beusare.

Habanyan geupeugah le Bupati Rocky bak pidato pelantikan 40 droe Anggota DPRK Aceh Timu periode 2019-2024, bak ruang sidang A kanto DPRK, Selanyan (02/09) cot uroe. Geupeugah le Bupati, Dewan juet chiet geukawal peng gampong bak daerah pilihan droe maseng-maseng.

“Nyoe koen maksud jih Bupati jak ato buet dewan, tapi untuk tapeugoet naggroe nak maju ngen makmu payah tapike beusama-sama geutanyoe,” peugah Bupati Rocky.

Bupati Rocky geupakat madum dewan nyang ban dilantik uroe nyoe, beugetem bangun nangroe Aceh Timu nyoe beu maju bak mandum bideung, bideung harekat meutani, bideung jak u laot, bideung meukat, bideung meukeubon, dan mandum bideung payah maju, supaya rakyat geutanyoe nak udep makmue.

Ketua DPRK Aceh Timu Semantara Periode 2019-2024. Fattah Fikri teungoh geupidato phon lam sidang Paripurna Phon that-that. (Foto : Ilyas Ismail/ Habalamdesa.com)

Bak akhe pidato Bupati Rocky geuucapkan selamat ke bandum dewan nyang kaleuh dilantik. Gopnyan na chiet geuucap terimoeng geunaseh keu anggota dewan periode awai nyang kaleuh sama-sama geubangun Aceh Timu nyoe.

Pelantikan ngen jipeusumpah jabatan dewan baro uroe nyoe bak geudong dewan acara jih cukop bereh aju. Pheut ploh droe dewan nyang baro. Na keuh Fattah Fikri dari Partai Aceh (PA) sebagao Ketua Sementara dan Muhammad Nur dari Partai Gerindra Wakil Ketua Sementara DPRK Aceh Timu Periode 2019-2024. Nyang dilantik uroe nyoe, nakeuh 40 droe dewan baro nyang teupileh bak Pemilu Legilatif padum buluen nyang ka ulikot thon 2019.

Menye urueng droe neuh nyang baca tulisan nyoe na maksud neu tupue soe –soe anggota dewan kalinyoe periode 2019-2024 NEU TEUGON BAK TUISAN NYOE .(*)

Comment

Leave a Reply

Your email address will not be published. Required fields are marked *

1 comment

News Feed