by

3 Boh Haba Penteng Ketua Komisi A DPRK Aceh Timu Bak Akhe Jabatan

Idi Rayeuk – Ketua Komisi A Waki Rakyat Kabupaten (DPRK) Aceh Timur, Irwanda Hanafiah, bak akhe jabatan gopnyan na geupeusan lhee boh haba penteng.

Nakeuh lhee boh haba penting, lageei geupeusampoe bak habalamdesa.com, Sabtu (31/8) cot uroe.

Nyang phoen gopnyan geupeingat kejadian meutheun jenazah bayi bak rumoh saket umum Graha Bunda Idi, padum uroe nyang ka u likot, bek sagai-sagai na le kejadian lageei nyan keu rakyat nyang laen.

“Kejadian nyang kaleuh nyan beujuet keupeulajaran sebagoe pengalaman geutanyo. Beuneutupue di urueng droe neuh mandum wahai rumoh saket ngen BPJS, bahwasajih Aceh nyoe na kekhususan, han saban ngen daerah laen di Indonesia nyoe, jadi rasa  kemanusiann nyan lebeh penteng dari peng,” peugah Irwanda.

Haba kedua, Irwanda geupingat Definal urueng peugah GAM payah musnahkan, untuk geutarek balek haba geuh, dan urueng nyan payah lakee meuah bebagah.

“Beugeutupue digopnyan bahwasajih GAM nyoe nakeuh saboh gerakan perjuangan rakyat Aceh nyang ka diakui dunia International watee nyan. Bukti jih Uni Eropah trok jak troen peudame Aceh antara GAM ngen Pemerintah NKRI nyoe” kheun Irwanda.

Irwanda geuharap bek na le bahasa-bahasa sumbang neuk peureuleoh damei Aceh nyang ka bertahan lam watee 14 thon nyoe.

Haba keu lhee nyang cukop penteng. Geupeuingat mandum pangkalan gas subsidi 3 Kg ban sigom Aceh Timu bek cuba-cuba meen-meen, peulangka gas ngen peuek yum gas, buet nyan ka meupeubrat rakyat gasein.

Menye bit hana neudengo, lam watee toe nyoe kamoe dari waki rakyat akan meutroen u pangkalan- pangkalan jak sidak ngen Pansus,” ngen tegas that geukhuen le Irwanda.

Irwanda geuharap bak ditributor gas untuk geucek mandum pangkalan nyang brok akai, geupeu ingat bek batat.

“Menye bit na pangkalan batat that, distribotor bek le geubi gas ke pangkalannyan. Rencana, ubena Distributor Gas 3 Kg di Aceh Timu, lam watei toe nyoe akan kamoe hei u DPR, kamoe nak tanyoeng beujeulah, pujuet yum gas meuhai ngen langka,” top haba Irwanda.(*)

Comment

Leave a Reply

Your email address will not be published. Required fields are marked *

3 comments

  1. Adak juet, bagi kamoe rakyat beu neujak kontrol hai bapak, sbab daerah kamoe yum LPG karap 2x lipat di publoe, 35.000 saboh

  2. Sang payah untuk tatertibkan penyalahgunaan subsidi yg diberikan oleh pemerintah, karna dimana mana terlahir yg namanya KKN, lebih baik subsidi di cabut saja oleh pemerintah.

News Feed