by

Hana Lom Lheuh LPJ 2018,  Sang 25 Gampong di Aceh Timu Nacan Meuramah

Aceh Timu – 25 boh gampong di Kabupaten Aceh Timu sang nacan merana ngen rugoe han meuteumei peugoet sapue lam gampong bak thoen nyoe.

Pujuet teuma lageeinyan. Geupeugah le Ulee DPMG Aceh Timu, Dr. Maimun, SE, Ak.MSI, bak wartawan Baroesa uroe Rabu (28/8), aparat ban 25 boh gampong nyan sampoe inoehat golom geupeugoet peutangong jaweub peng gampong thon nyang kaleuh.

Ulee DPMG geupeusampoe, 25 boh gampong nyan naukeuh dari 513 boh gampong nyang na lam wilayah Aceh Timu nyoe.

Gesebot le gopnyan 25 boh gampong nyan na di Kecamatan Julok, Rantau Peureulak, Idi Timur, Banda Alam, Nurussalam, Rantau Selamat, Idi Tunong, Darul Ikhsan, Pante Bidari, Idi Rayeuk dan di Kecamatan Peureulak.

Pak Maimun hana geusebot nan-nan gampong toh nyang golom jipeutangong jaweub peng gampong thoen 2018.

“Memang kamoe hana meupeugoet ceu watei peutangong jaweub peng gampong nyan. Teuma 25 boh gampong nyan hanjuet jitarek peng gampong tahap phoen thoen 2019 nyoe,” peugah Pak Maimun.

Nakeuh 488 boh gampong lam wilayah Kabupaten nyoe, kaleuh jitarek peng gampong thoen 2019 tahap phoen.

“Na chiet 220 boh gampong lebeh,  awaknyan kaleuh jitarek peng gampong tahap dua, gampong-gampong nyan bereh that kereuja,” nyan ban kheun Pak Maimun.

Pak Maimun geupeingat bak mandum ulee -ulee gampong bak 25 gampong nyang golom peugoet peutanggong jaweub. Gopnyan geulakee bek le meuayem.

“Sayang that rakyat, enteuk hana meuteumee peugoet sapue bangunan lam gampong. Beugah laju neupeugoet surat peutanggong jaweub peng gampong thoen 2018,” peingat Pak Maimun.(*)

Comment

Leave a Reply

Your email address will not be published. Required fields are marked *

News Feed